Williamnagar, Naiwieng 25: Ka working president jong ka Meghalaya Pradesh Congress Committee (MPCC) ka
Mrs Debora Marak
, ka ong “ Nga khlem poi pyrkhat ban dang im, ainguh ia u Blei”. Kane ka jingshah ktah kti ka jong ka ha ki riew kieng atiar ka la jia ha ka shnong RongBinggre ha East Garo Hills District.
Haba kren ha u SP News Agency lyngba ka phone kane ka nongialam jong ka seng Congress ka la ong ba ka la leit sha katei ka jaka na ka bynta ban leit kum ka kongsan ha ka jingialehkai kynjat ball, hynrei ki briew kiba la kieng atiar bha ki la beit sha ka bad ktah kti ia ka.
Na ka liang jong ka Debora ka long ba haduh mynta kam lah ban kynnoh iano bad mano ba leh ia kane ka kam, hynrei kumba ka long haduh mynta ym pat don ba kam ha kaba ia dei bad kane ka jingjia. Ka la ong ba “ Nga dap da ka jingsngewnguh ia u nongbuh nongthaw ba u la ker la sumar ia nga ha katei ka jingjia”.
Haba ia dei bad kane ka jingjia ka sorkar ka la tip ia kaei kaba jia baroh, na ka liang jong kane ka nongialam jong ka seng Congress ka la ong ba kam lah ong ei ei ka shong ha ka sorkar mynta ban leh ia kaba don kam. Kaei kaba nga don ban ong ka long ba “u blei u la don bad nga bad u la iada ia nga”.(SP News)
