Shillong, Naitung, 28: U Syiem jong ka jong ka Hima Mylliem U paiem Latho M syiem Mynta ka sngi u la pynpaw ia jingsngewdiaw halor ka jingjia ka ba dang shu jia ha ha kane ka taiew bala dep halor ka jingshah shoh jong ki briew jong ka KHADC ryngkat bad ki nongthoh khubor.
U Paiem Lathoh haba kren ha ki lad pathai khubor mynta ka sngi u la ong “ nga pynpaw ka jing sngewkhia kaba jur halor ka tei ka jingjia bad ka jingleh don bor da ki wei pat ki jaitbynriew iaki briew jong ngi bad bad khamtam eh ia ki briew jong ka ain ki nud ban ktah kti bad pynmynsaw ia ki”.
Ym dei bad ailad ia kine ki briew namar kane ka jingleh jong ki ka long kaei ka ei ka bym sngewtynnad, namar ba ki briew jong ka KHADC ki leh na ka bynta ka jingbha jong ka jaitbynriew jong ngi ba ngim dei ban ailad ia ki wei ki jaitbynriew kin wan seng kano kano ka kam khlem ki lisence kiba bad maki ki pyndep ia ka kamram kaba la bthah ia ki hynrei kine ki riew runar ki shoh bad pynsaw pynban ia ki.
U la ong ruh “na ka liang jong nga nga pynpaw ia ka jing sngewkmen ba nga ioh ban ia trei lang bad kane ka EC kaba Mynta kaba don ka jingkit khlieh hakaba ia dei bad ka iewduh bad ha ki wei ki wei ki jaka kiba hap ha ka jingpeit ka Hima Mylliem.
“Naduh Kham Mynshwa nga la ia ksaid bad la iohi ia kine ki jingeh bun bun sien nga la pyrshang hynrei tang da ka bor marwei ngam lah ban leh ei ei namar ym don ban ia kyrshan lem ia nga ngam lah ban leh ei ei” La pynkut u paiem Latho.(SP News)
