Shillong, Naiwieng 13: U Additional Director General jong ka National Ca
det Corps (NCC) u R K Shamar u la ong ba kane ka jingialang balai sngi kaba la kut mynta ka sngi ka la ia kren ia shibun ki kam ban pyniaid beit iai ryntih ia ka kam NCC ha kane ka thain shatei lam mih ngi jong ka Ri India. Mynta ki samla ki don palat ia ka 71 hajar ngut ha ka NCC.
La ong ba ka thong kaba ka NCC ka la buh mynta ban khring ia ki kynthei ba kin pyniasoh bad ka NCC bad ka bhah kaba la buh kyrpang ka long 33% na ka bynta ki kynthei. La ong ba bun ha kine ki jylla kiba pyniasoh ia lade bad ka NCC ki kham leh bha ki kynthei ban ia ki shynrang.
Ka phang pdeng kaba kongsan eh ha ka NCC ka long ban pynlong ia u ne ka ba kin don ia ka jinglong ryntih, ban wanrah ia ka jingiatylli ha ka Ri bad ban pynshlur ia ki samla ba kin shim ia ki kam iada ri da kaba rung ha ki kam shipai.
La ong ba jingbei pisa na ka sorkar pdeng na ka bynta ki jylla kane ka thain shatei lam mih ngi jong ka Ri India bad ka Jammu bad Kashmir ka long 100% na ka sorkar pdeng katba ia kiwei ki jylla ha ka Ri India ka jingiabei pisa ka long ha ka ratio 75:25.
Na ka liang jong u tei u heh ka NCC u la ong ba u sngewsih ban iohi ba ki jylla kane ka thain kims hym la pynshlur ia ki samla kumba leh kiwei ki jylla sha ki bynta ba shathie jong ka Ri India da kaba buh bha kyrpang na ka bynta ki dkhot ka NCC sha ki kyrdan pule kiba khma shalor khamtam eh ha ka Engineering bad Medical
U Sharma u la ong ba u la ia kynduh ia ki sorkar kane ka thain ban ia kren na ka bynta ban buh ia ka NCC Academy ha kine ki jylla baroh, kaba la ioh jubab mynta ka long ba ka jylla Assam kala wad jaka mynta bad kum juh ka jylla Manipur katba kiwei ki dang ai ktien ba ki kloi ban pdiang ia kane ka jingai jingmut.(SP News)
