Shillong, Nailar 16: Ka kynhun ki seng bhalang jong ka jylla Meghalaya mynta ka sngi ki la py
nlong ia ka jingialang paidbah ha Motphran ban pynshai paidbah halor ka jingdon kam ia ka Inner Line Permit ha kane ka jylla Meghalaya ban iada na ka jingwan tuid kyrthep jong ki mynder ri.
Ha kane ka jingialang paidbah u president jong ka KSU u Bah Daniel Khynriem u la ong ba ha dien ba ki la ia shong kyrkhat sani halor ka jingkhot ia kren jong u myntri rangbah ka jylla u Dr Mukul ki la shim ia ka rai ban pdiang ia kane ka jingkhot ia kren kaban long ha ka 29 tarik mynta u bnai
Ha ka juh ka por la pyntip paidbah ba ka rai jong ki seng bhalang baroh ka long ba kane ka jingleit ia kren kan long bei tang ha kawei ka nongrimb ad kata ka long ba ka sorkar ka dei ban pyntrei kam noh ia ka ILP lada ka sorkar kam pyntrei kam noh ki sa pynbna ia ki jingiakhih paidbah ban pynbor ia ka sorkar.
Ha ka jingkren jong u president ka seng samla pule jong ka Garo Student Union (GSU) U Tengsak G Momin u la ong ba ka jaid bynriew Khasi, garo bad Jnaitia ki long kawei bad ka jingdawa ia ka ILP ka long ban ia da ia ka jaidbynriew na ka jingwantuid jong ki briew kiba na bar. La ong ban pynbor ia ka sorkar na ka liang jong ka GSU ka long kaba la kloi ban iakhih paidbah halor kane ka jingdawa
Ha ka jingkren jong u President ka FKJGP u Bah Joe Marwein u la batai ba kumno ki seng bhalang ki la ia ksaid na ka bynta ban dawa na ka sorkar ba dei ban pyntrei kam nih ia ka ILP ha kane ka jylla bad ka sorkar ka la thaw ruh ia ka High Level Committee ban ia kren bad ia ka recommendation ruh la dep ai sha ka sorkar hynrei kaba sah mynta ka long sa tang ha u myntri rangba,I mat kaba um kwah ban pyntrei kam.
Ki nongkren ha kane ka sngi baroh ki la ong ba lada ha ka jylla Arunchal Pradesh, Nagaland bad Mizoram lah ban pyntrei kam kaei ka jingeh ha kane ka jylla Meghalaya ki la buh ka jingkylli ia ka sorkar jylla.
Kiwei ki nongkren kum u president jong ka HNYF u Bah G H Kharshanlor, u Adinson CH Momin president of the Achick’s Youth Welfare Organisation, ki la ong ba ka jingiada ia ka jaidbynriew ka long kaba don kam bad ki kam pynroi ki wan ha dien. Ki la kylli ruh ha kine ki snem bym don ILP shaei kita ki kam pynroi ki jah balei ynda la ia kren ILP ka mih ki kynmaw kampynroi
Kiwei ki nongkren na ki nongialam jong ka seng JYF, JSU, ka CSWO ki la pynpaw ba ka lad ban iada ia ka jaid bynriew ka dei tang ka ILP bad ia kane ka juh ka kyntiem la ban ruh da baroh ki nongkren ha kane ka jingialang paidbah.(SP News)
