Shillong, Naitung 27: Ha ka jingialang kaba la long mynta ka sngi ha Sabuda ban ia kren ia shong suk shongsain ha khappud Meghalaya bad Assam la ia poi lang da ki MLA na ka jylla Meghalaya bad ka jylla Assam ryngkat ki MDC na ki ar tylli ki District Council.
Na ka liang jong ka Karbi Anglong la wan da u MLA jong katei ka jaka Phatanglangsu u Mansing Rongphih bad u MDC u Pradip Rongpih, katba na Ri Bhoi District la poi ar ngut ki MLA u Bah J K Dorphang bad u Dr C Lyngdoh bad ar ngut ki MDC jong ka Mawhati bad ka Umroi.
Ha ka jingialang paidbah kaba la long mynta ka sngi ha Subada ka la don ka jingiasngewthuh jingmud ba ka nangne sha khmat ha ba ka don kano ka jingiatei ha katei ka jaka dei ban ia tip lang na baroh ar liang na ka liang jong ka Assam ruh kam dei ban leh da kabor kumba leh ha kine ki sngi kiba la dep.
Ha kane ka jingialang baroh ki nongkren ki la pynrem ia ka jingleh jong ki pulit Assam ban shu pynpra iaka iing skul kaba dei na ka bynta jong ki paidbah. Na ka liang jong ki seng bhalang kiba la ia poi ha kane ka sngi ki long ka CORP, FKJGP, CSWO,RBYF, HNYF bad ki rangbah na katei ka thain. (SP News)
