Shillong, Iaiong 24: Ki pulit jong ka jylla Meghalaya mynta ka sngi mar ia ioh ia ka jingujot bad kawei ka khynnah skul kaba dang 17 snem ka rta ka la shah rah bor ki la pynsted ia ka jingtohkit bad ia kane ka khynnah la ioh ban pynlait na ka kti jong u nongrah bor na ka shnong Nongumlong.
Katkum ka khubor ba la phah da ki pulit jong ka jylla ia ong ba mar ia ioh ia kane ka jingtip ki la pynlong ia ka jingtohkit khyndait bad ha dien ba ki la ioh ia ka jingtip kaba byrngut bynrgnet ki la leit bran bran sha ka jaka sah jong u Wanboklang Kharbudnah ha Nongumlong bad ki la lap ia kane ka khynnah skul bad ka don ha ka kti jong u.
Na ka liang jong ki pulit ki la kem ia u ne u briew bad la wanrah lang ruh iaka khynnah skul. Ki pulit haduh mynta ki dang bat ha kti jong ki ia u Kharbudnah na ka bynta ban pynlong ia ka jingtohkit kaba bniah.(SP News)
