Tura,Risaw ,19th: Ki nongialam kiba ia khih ban dawa ban pyntrei kam ia ka ILP ha kane ka jylla kiba dei na West Garo Hills ki la pynpaw ia ka jingsngew pyrshah jur ia ka jingkynthoh u myntri rangbah ka jylla u Dr Dr Mukul Sangma ha kaba u long ba ki dei ki ki kynhun ialeh kai birai.
Ki nongialam jong ki san tylli ki seng na Garo Hills ki la pynpaw ia ka jingsngewbitar bad pyrshah jur ia ka jingkren jong u myntri rangbah ka jylla bad kila kynnoh kylla bad dei u myntri rangbah u ba dei u nongialeh kai ba jur bha ha ki kam biria.
Ki nongialam jong kitei ki san tylli ki seng ki la ong ba kane ka jingiakhun jong ki ban dawa ia ka ILP kan long haduh ba ka sorkar ka dei ban pyntrei kam ia ka jingdawa ka jong ki namar kane ka dei ka jingdawa ka long na ka bynta u paidbah.
Ha ka juh ka por, la ioh khubor ia ka jingjia ha ka nongbah Tura. Katkum ka khubor bala iohlum, ba la don ka jingthang taiar ha khmat Nehru Park ,la ioh jingtip ruh ba la thang taiar ha ka thain Chitoktak bad Araimile bad la ong ba ka la don ka jingpyrshang ban thang taiar ha ki bynta jong ka Betasing bd ha kiwei kiwei ki bynta jong ka Garo Hills.
Kane ka jingkren lap lah jong u myntri rangbah ia ki nongialam seng bhalang ka la pynbitiar ia ki naduh ba ka la don ka jingialang hapdeng kis eng bhalang bad ka sorkar ha ka 29th u Naitung dei naduh katei ka sngi ba u myntri rangbah u la dep ban kren shai ba ka sorkar kan nym pyntrei kam ia ka ILP bad ki seng bhalang ki la rai ban kin nym shong klikti katba ka sorkar kam pat pyntrei kam ia ka ILP.(SP News)
