Tang ki briew kiba biang kot biang slay n pynrung ha ka electoral roll: SDO Sohra

Sohra, Kyllalyngkot 28: U Civil Sub Division Officer jong ka Sohra Civil Sub Division u Ki paidbah kiba dang ieng lain ha ophis u SDO Civil Sohra ban thep kyrtengu la ong ba kino kino ki briew kiba don ia ki kot ki sla kiba biang kumba la buh da ka election copmmission jong ka Ri India  yn pynrung ha ka eletroral roll.

Haba kren ha u SP News Agency ha karma trei kam jong u u la ong ba na ka liang jong u ym lah ban pdiang ne ban kyntait, hynrei u hap ban but ia ki kyndon kiba la buh da ka Commission. U la ong ba lada ki kot ki sla ki biang yn nym lah ban kyntait bad lada ki kot ki sla kim biang yn nym lah ban pdiang u hap ban leh ia kaba don kam.

Haba jubab ia ki jingkylli na ka liang jong u Bah Diengdoh u la ong ba ha kaba ia dei bad ki briew kiba dei ki nong India kiba shong ba sah ha khappud bad ka Bangladesh, u la kubur ba ka dei ka jingshisha ba ka Ellection Commission ka la tip ba kine ki briew kim shym don ha ka electoral roll. Hynrei kane ka kam ka long kaba khia bha ha kaba ki hap ban da but thik ba thik katkum ki kyndon ain.

U SDO u la ong ba kito ki briew kiba shong ba sah ha kito ki shnong kiba don ia ki kot ki sla kiba biang ki lah ban wanrah ia ka phom thep kyrteng ha dien ba ki la ioh pdiang ia ki kot ki sla na ka liang jog ka ophis kan sa peit ia ki kot ki sla la ki biang ne em lada ki biang kin nym lah ban kyntait bad lada kim biang ki nym pdiang.

Ha ka juh ka por u SDO u la bathai shai kdar da kaba ong “ kito kiba wan ban thep kyrteng ki dei ban sngewthuh shai kdar ba tang ba ki la ioh ia ka slap ka la biang, kane ka slip kaba ki ai ka long tang ban pynshisha ba ka ophis ka la ioh pdiang ia ka phom jong ki” ban pdiang ne kyntait ka shong ha jingbiang ki kot ki sla.

Ha ka juh ka por u la ong ba lada don kino kino kiba kwah ban ujor ki lah ban ujor, kam mud ba tang ba ki la ujor ka ophis kan pdiang ne kan kyntait lada ka ophis ka shem ba ka jingujor pyrshah ia kano kano ka kyrteng ba ka dei kaba shong nia ka ophis kan pdiang ba lada ka shem ba ka long ka bym shong nia kan nym lah ban pdiang.

Sa shi sien u SDO u la ong biang ba ia kane ka kam ka la poi mynta ha ka tyngdong skhor jong ka election commission jong ka Ri India, ka kam ka la khia shibun ha kaba ki hap ban leh katkum ki kyndon kiba la buh da ka election commission kin nym lah ban iaid lait.

Ha kane ka sngi da ki spah ngut ki briew na ki thain khappud bad ka Bangladesh ki la leit sha ophis jong u SDO Civil jong ka Sohra Civil Sub Division ba kin leit ban thep kyrteng ia la de ban ioh rung ha ka electrol roll.(SP News)

 

What Next?

Related Articles

Leave a Reply

Submit Comment

*