Shillong Nailur 09: ka ophis jong u Deputy Commissioner, East Khasi Hills District, Shillong ka la pyntip ba ka sorkar ka la thung 55 ngut ki Labour Inspectors da ka tand Labour jong ka sorkar Meghalaya.
Ka jingthung ia kine ki ophisar ka long ban jurip bniah ia ki briew kiba wan ban trei bylla ha kane ka jylla, ha ki jaka bapher bapher kum ha ka jingshna ia ki iing bad kiwei kiwei ki kam bad ban peit ia ka jingwan rung beain jong ki briew ba nabar. Hapoh kane ka East Khasi Hills District.
La kyntu ia baroh ki nongai kam ba ki dei ban shim ia ka jingbit ka ophis jong u DC bad SDO civil ha Sohra bad kane kan sdag naduh ka 10 tarik mynta u bnai bad la ai por ia ki briew 15 sngi ba kin pyndep ia kane lem kumta kin shah pynshitom ha ka ain ia kiba kita pynkhien.
Ia kane ka rai la shim dang shen ha ka jingialang jong ka District Level Task Force kaba la thung kyrpang na ka bynta kane ka kam. (SP News)
