Ampati Risaw 24: Mynta ka sngi ka tnum jong ka iing skul Mahendraganj Girls Secondary School, ka la khyllem ha kaba 25 ngut ki briew kila mynsaw.
Ka jingkhyllem jong katei ka tnum jong ka iing skul ka long namar ba ki briew kiba la leit ban ia peit kai ia ka jingialehkai kynjat bal ia kaba la pynlong ha ka William A Sangma Memorial stadium. Ki paidbah kiba la ia tuid sha kane ka jingialehkai kila kiew ha ka tnum jong kane ka iing skul.
La ong ba ka lah ban dei na ka daw jong ka jingkhia jong ki briew kane ka iing kam lah ban shan bad ka tnum jong kane ka iing skul ka la khyllem bad kala wanrah ka jingmynsaw ia ki 25 ngut ki briew ha kane ka jingjia.
La ong ba ka jingtuid jong ki paidbah sha kane ka jingialehkai kynjat ka la poi sha ka phra hajar tam ei ei. Kane ka jingjia ka la pynkyndit ia ki briew kiba don ha katei ka jaka bad shiphang ka la pynthud wad ia ka jingialehkai.
U Deputy Commissioner jong ka South West Garo Hills, U Ram Singh u la pynthikna ba ka don kane ka jingjia hynrei kiba mynsaw ki long malu mala bad tang u wei u ba la kham shitom ia u la rah sha Nogorpara Hospital, ha dien ba la dep ban sumar la pynlait noh la ong u DC.(SP News)
