Shillong, Risaw,13: U Myntri Rangbah ka jylla Meghalaya, u Conrad K. Sangma u la iakren bad ka kynhun kaba nyngkong eh jong ka Chief Minister’s Leadership in Education and Development (CMLEAD) Fellowship ha kane ka jingrakhe jingialang kaba la long ha ka iingsah jong u Conrad ha ka nongbah Shillong.
Ha ka sngi kaba pynrungkam, u Myntri Rangbah bad u Myntri ka pule puthi, u bah Lahkmen Rymbui kila aiti iaki laptops sha ki nongshim bynta.
Haba kren shaphang kane ka CMLEAD Fellowship, ka dei kawei na ki kynhun kaba thmu ban pynkhlain bad pynkylla dur iaka rukom pule puthi ha ka jylla da kaba pyniasoh bad pyntreikam iaki samla kiba nang ba stad ha ki tnad pule puthi. Katba iaki nongiashim bynta, kin shah buh sha ki 12 tylli ki distrik bapher bapher jong ka jylla Meghalaya.
Kin sa iatreilang ryngkat bad ka Samagra Shiksha, ka Directorate of Educational Research and Training (DERT) bad ki ophis jong ka pule puthi ka distrik ba kin kyrshan ia kane ka jingpyn wan dur, ka jingpyntreikam iaki sienjam ba hakhmat kiba thmu ban pynjanai iaki jingmih na ka jingpule jong ki khynnah skul.
Haba batai shai shaphang ka kam ba leh kine ki nongiashim bynta kane, u Myntri Rangbah u la ong ba ka synshar khadar kam dei tang shaphang ka politik, ka rukom treikam sorkar lane ka jingtreikam ki kam synshar ha ki ophis sorkar. U la ong ba ka jingiashim bynta lang na ka imlang ka sahlang, ka jingiashim bynta lang ka shnong ka thaw ka long kaba donkam, ha kaba ka long ban bishar la ka sorkar ka lah ne em ban pynurlong iaki thong ba shisha jong ka.
U Conrad u la pynshai ba ki nongiashim bynta ki long ka lad na ka bynta ki samla ba kin ioh jinghikai ba nyngkong ban shakri iaka kam paidbah, kan long ruh ka jingshem kaba u pyn iasyriem bad ka kam ba hikai ne kam trai hapoh sorkar, ym hapoh ka karkhana ne kompany.
U Conrad u la kyrpad iaka tnad pule puthi bad kan ai iaka kynhun kita ki kam ba biang, ki jingthmu bad ki rukom ai jingtip, kaba ym dei tang bad ban iaid bad ka laptop khlem jingkitkhlieh bad khlem ka phang kaba shai. U la ai jingmut ruh ba katba lah, man uwei pa uwei u dei ban leit jurip sha man kawei pa kawei ka skul ha ka shi taiew bad pyni iaki kaiphod ia kaei kaba kila dep treikam.
Kane kan kynthup iaka jinglong jingman ki jaka pynjhieh, kaba mut la ka jong na ka bynta jong ki kynthei, ki iing maw, ki jaka shna iaki shuki bad ka rukom long ka jingpule puthi, kaba dei ka jingioh iakren bad ki khynnah pule. U la bynrap da kaba ong ba ka tnad ka dei ka jaka ba biang ban pynskhem bad pynkut iaki dak ki shin.
Nalor ki kam jong ki, u Conrad u la pynshlur ia kine ki nongiashim bynta ba kin pyn shongshit iaki shnong ki thaw hapoh kine ki distrik. Ha kaba ki skul ki don bun ki jingduna, hynrei u la ai jingmut da kaba kin leit iakynduh iaki rangbah shnong, ki pastor jing ki iingmane, khynnah pule, NGO ba kin leit jurip sha ki skul man ka sngi, iashim bynta kumba ar ne lai kynta, hikai iaka sobjek English, lane pynbit pynbiang iaka skul.
U la ong ba ym dei ban shu khmih iaki jingeh kum ka jingiakhun, hynrei peit kum ka kata ka lad na ka bynta jong ki ba kin lah ban leh eiei ban pynkylla iaka bad u la kitbok kit rwiang ia kine ki nongiashim bynta ba kin noh synniang sha ki bynta jong ki kam pule puthi bapher bapher.
