Jowai, Naiwieng 05: u Bah P Majaw president jong ka seng JYF kawei na ki 14 tylli ki seng kiba ia don lang ha kane ka jingdawa na ka sorkar ban pyntrei kam ia ka ILP ha kane ka jylla Meghalaya u la ong ba ka pakhang surok miet kan treikam ha baroh kawei ka Jaintia Hills kumba la rai da baroh ki seng.
Na ka liang jong ka seng JYP ka kwah ban pyntip ruh ba na kadaw jong ka jingkyrpang u bah L D Lakiang rangbah shong jong ka Ladthalaboh namar ba ka don ka iew khalai nusip (fete) na ka bynta ban pynmih pisa ia ka skul ka seng ka la pynlait ia ka shnong Ladthalaboh na ka pakhang surok miet.
Na ka liang jong ka JYF ka kyntu ia ki paidbah ba kin sngewbha ban ia long kiba iai shah ha kane ka jingialeh ban pynbor ia ka sorkar ba kan pyntrei kam ia ka ILP ha kane kajylla ban ioh ia ka jingiada kaba kyrpang na ka bynta ka jaidbynriew rit paid, la ong u bah P Majaw.(SP News)
