Shillong, Nailar 24: Ka jingsniew ka surok na duh Shyiap haduh Lumkynjoin jong ka shnong Mawpat kala pyndiaw ia kiba leit ban wan lyngba kane ka surok ha kaba bun ki la ud ia ka jingsniew kane ka surok, kaba hap hapoh Pynthorumkhrah Konstitwensi.
Ka shnong Mawpat ka dei ka shnong kaba la heh ha kaba ki don lai tylli ki lat ban rung sha Mawpat, kawei na Shyiap, ka wei la Isherwat bad kawei na surok NEIGRIHMS sha Lumkynjoin kaba pyniasoh ia ka shnong Mawpat.
Ka jingsniew jong ka surok ka long naduh Syiap haduh Lumkynjoin, na Isherwat ka surok ban rung sha jaka sa ngeh kali hapoh ka shnong Mawpat bad mih sha Shyiap kane ka surok ka long kaba sniew.
Bun ki paidbah kiba iaid lyngba kine ki surok kila ud haba ia dei bad ka jingsiew jong ka surok ha kaba kila pynsngew ba la bun snem khlem maramot shuh ia kine ki surok hapoh ka shnong Mawpat, khatam eh ia ka surok na Shyiap ban poi sha lum Kynjoin bad na Ihserwat ba mih sha Shyiap.
