Shillong, Naiwieng 21: ka Balang Baptist mynta ka sngi kala pynlong ia ka jingumar ei ha ka shnong Refusal kaba hap ha ka Rerapara C&RD Block ha South West Garo Hills District da ka jingiatreilang bad ka tnad ka koit ka khiah jong ka jylla, ka ICDS, tnad pule ka MSRLS da ka jingthmu ban wan rah ka jingkylla ha kane ka shnong.
Ka Dr. Lydia Marak kaba dei ka DMCHO kala pynpaw ia ka jingsngewkhia kaba jur bha namar ba bun ki liang kmie ki duna snam,kala ong ba don kam ban leh ei ei bad kaba don kam eh ka long ka jingkyrshan na iing, ha kane ka sngi la hikai ruh kumno ban iada na ka jingpang khishoh, TB, Nainglyngkut bad kumno banbam ia ki jingtam tei met.
Ha ka jingkren u T. Ch Marak, SEO ka West Garo Hills la ong ba ka long kaba donkam ban pule puthi na ka bynta ban kyntiew ia ka roi ka par jong ka jylla bad ka jingstad kaba lah ban saindur thymmai ia ki khun samla, ha kane ka sngi la pynshai ruh ba ki seng treimon sngewbha ki don ka bynta kaba khraw ha kane ka liang.
Kane ka shnong kaba la pynlong ia ka jingsumar ei ka don 203 ngut ki nongshong shnong bad kiba la poi sha kane ka jingwan shim dawa kilong haduh 72%, kane ka long kum shibynta ba ki doktor bad kiba trei ha ka koit ka khiah kin poi sha ki shnong ki thaw.
Ha kane ka jingiatreilang ka long shibynta ban weng ia ki jingeh bad ban kyntiew ha ka koit ka khiah ka pule puthi, ka ioh ka kot bad kane ka jingiatreilang ka long ba ki paidbah ki long kiba la kloi ban pdiang ia ka jingkylla. Ia kane ka jingsumar ei la pyniaid da ka District Health Society ha kane ka sngi u Armand Momin BDO jong ka Rerapara C&RD Block u la don lang.
