Ampati, Nailur 20: Ka prokram kaba la neh ar sngi kaba batai halor ka “kaba lum bad kaba thoh pynskhem iaki jingtip jong ka ktien Koch, la dep long ha Ghasura Gaon ha South West Garo Hills ha ka 19 bad 20 tarik Nailur bad ka jingthmu jong ka jingpyn neh, kaba lum iaki jingthoh bad pynskhem iaka ktien Koch.
Ia katei ka prokram, la iarap seng da ka Foundation for Endangered Languages (FEL), England bad Wales, United Kingdom bad la pyniaid da u Prangshu Manjul, Project Director, ha ka jingiatreilang jong ka Koch Krorang Mathop (KKM), Koch Literature Society, Meghalaya bad kaba don hapoh jong ka jingialam jong u Nirmal Koch, President ka Koch Krorang Mathop.
Ha katei ka prokram, la don ka jingkren da ki riewshemphang ba tbit ha ki jait ktien bapher bapher, ki jingthoh pynskhem iaki ktien bad kiwei kiwei. Katba iaki riewshemphang kiba don bynta hangne ki kynthup ia u Dr. Palash Kumar Nath, Assistant Professor, Department of Linguistics, Gauhati University, kiba ka jingwad bniah jong ki ka phai khmat halor ka jingthoh bad jingpynneh iaki thylliej kiba la don ha ka ma ban jah noh, ki long ka Dr. Monali Longmailai, Assistant Professor, Department jong ka Linguistics, Assam University, Silchar, kaba shem shaphang ki ktien Tibeto-Burman, jingthoh pynskhem bad kiwei kiwei, ka thoh ka tar bad ka rukom pynbeit kyntien bad ka jingshna kyntien, bad u Dr. Krishna Boro, Assistant Professor, Department of Linguistics, Gauhati University, uba tbit ha kaban batai iaki ktien bad jingthoh pynskhem.
Katba u Upendra Hari Koch, Advisor, Koch Krorang Mathop (Koch Literature Society), u la iashim bynta lang ha kanr ka jingpyn neh iaka ktien Koch.
Ki nongkren ba shisha iaka ktien Koch ki dei kiba na ki kynhun bapher bapher kiba iashim bynta ha kane ka prokram, kaba la pynioh ia kane ka prokram ban iakren shaphang ka jingdonkam jong ka jingthoh pynskhem bad kiwei kiwei ki jingpyn neh iaka ktien Koch.
Kane ka prokram ka thmu ban pynskhem iaka jingtrei shitom ban iada bad pynim iaka thymmei jong ka ktien Koch bad baroh ki nongiashim bynta kila iohpdiang iaki syrnod iashim bynta ha kaba kut kong kane ka prokram.
