Shillong, Naiwieng 25: Ka Dr. Mehtab Chandee Agitok Sangma kaba dang shu dep jop ia ka elekshon shiteng samoi na ka 56-Gambegre (ST) Assembly Konstitwensi kan shim smai kum ka MLA ha ka 27/11/2024.
Ki lad khubor ki iathuh ba ka jingpynsmai kan long ha ophis jong ka Meghalaya Legislative Assembly, la sngewthuh ba ha kane ka jingpynbsmai kin ia don lang ki myntri ka sorkar kynthup ia myntri rangbah ka jylla ba dei national president ka NPP.
Ka jingjop jong ka Dr. Mehtab kala dang pynkhlain shuh shuh ia ka party NPP ha kane ka jylla Meghalaya ha kaba ka jingdon ki MLA kila kiew sha ka 32 ngut ha ka iing dorbar kaba 60 ngut.
