Shillong, Jymmang 01: Haka 30/Iaiong/2026, ka Parliamentary Standing Committee ka la leit jngoh ia ka ki jaka pynroi sha ki nongkyndong . Ha katei ka kommittee kaba la khlieh da u shongknor, u Saptagiri Sankar Ulaka, u MP ka Lok Sabha bad ha kane ka kynhun kila don 24 ngut ki dkhot.
Ha katei ka jingleit jngoh, ka kommittee ka la leit ia kynduh ia ka Shella Bholaganj C&RD Block na ka bynta ban jurip ia ka skhim PMAY-G bad PMGSY RD ha Sohra bad la don ruh ka prokram iamir jingmut ha ka shnong Laitmawsiang, ha kaba kitei ki dkhot ki la iakren bad ki dkhot jong ka SHG bad ki nongioh bynta jong kane ka skhim.
Hadien katei, la don ka jinglalang ha ka nongbah Shillong, ha kaba la don lang u shongknor, u Saleng A. Sangma, uwei na ki dkhot jong ka MP, lem bad kiwei ki heh jong ki tnad bapher bapher jong ka sorkar jylla bad State Bank jong ka Ri India.
Ka State Level banking Committee (SLBC) kaba dei ka nong khot ki bank ha East Khasi Hills District, ha kaba iadei bad ka jingthmu halor ki prokram bapher bapher bad ki skhim kibala pyntrei ha kane ka jylla.
