Shillong, Naiwieng 26: Ki nongialam jong ka party BJP na Meghalaya ha ka jingialam jong u myntri ka sorkar jylla u bah A L Hek, bah M Kharkrang, Dr. E Myrsing bad bah David Kharsati kila kynduh ia u myntri khynnah ka tnad pule ka sorkar pdeng Dr Sukanta Majumdar ha kaba kila pynsngew ha u ia ki jingeh ha NEHU.
Ha kane ka jingiakynduh na ka liang u myntri ka sorkar Meghalaya u bah A L Hek bad ka kynhun kila pynsngew sha u myntri khynnah ka sorkar pdeng ba dei peit ia ka tnad pule ia kaei kaba la jia hapoh ka skul bah NEHU kaba la pynlong ban mih ka jingiakhih.
Kane ka jingia kynduh ia u myntri khynnah ka sorkar pdeng ka long ha dien ba kila kynduh ia ki nongialamka NEHUTA bad NEHUSU ha Shillong bad kila pynsngew ha u myntri ia kaei kaba kila ioh lum jingtip na kitei ki ar tylli ki seng.
Ha kane ka jingiakren kila pynpaw ba don kam ban pynbeit ia ki jingeng kiba don ha kane ka skul bah jong ka sorkar pdeng na ka bynta ka jingbha kane ka jaka pule bad ki samla pule bad kane ka kynhun kan sa ia kynduh ruh ia u Dharmendra Pradhan myntri kabinet ka sorkar pdeng ba peit ia ka tnad pule.
