Shillong, Nohprah 03: U Chairman jong ka Meghalaya State Planning Board u SC Marak u la thaw ia ki phra tylli ki kynhun trei kam hapoh jong ka board ba kin peit ia ki tand sorkar ki bapher bapher kumno la pyntrei kam ia ki skhim jong ka sorkar ha ka jylla.
Ia ka khynhun kaba nyngkong la bat hi da u Chairman jong ka Board u SC Marak bad ia ka kynhun kaba lai la aiti ha u Bah John F Kharshiing ba yn peit bad ki tand sorkar kiba u dei ban peit ki long ka jingai grant na ka sorkar sha ki District Council bad ka jingpyntreikam ia ki kam pynroi sha ki nongkyndong.
Na ka liang jong u Bah John u ba dei peit ia ka kynhun kaba lai u la khot ia ka jingialang ha ka 5 bad 6 tarik mynta u bnai ban ia kren bad ban pan jingpynshai kumno la pyntrei kam ia kine ki skhim kiba dei na ka bynta jong u paidbah bad ka jingai jingiarap sha ki lai tylli ki District Council ha ka jylla.(SP News)
