Shillong, Risaw 18: Ka Tnad pynneh khyndew ka sorkar Meghalaya kala thung dieng ki ban phuh syntiew na Weiloi sha Mawphlang kaba la kot sha ka 22 km ia kaba la dep ban thung ha kine ki khyndiat sngi.
Kane ka jingthung dieng ka long ba baroh arliang ka surok ha ki jaka jaka ba ioh ban thung namar ha shilynter kane ka 22 km don ki shnong bad ia kine ki dieng la thung bad ker ban pynthikna ba kin im, bad kane ka surok ka hap ha ki ar tylli ki Block Mawsynram bad Mawphlang.
Haba kren ha ki lat pathai khubor u bah Lamjingshaihun Shabong Director ka tnad pynneh pynsah khyndew la ong ba kane ka jingthung dieng kala sdang ha us snem 2024 da kabab uh thong nyngkong ka New Shillong Township.
Ka jingthung dieng ha New Shillong kiba bun ki die ki tiew dieng Tyrkhum kaba la tip kum ki dieng Cherry Blossom, ka jingmut ka long ban pynwan dur kumba long ha Ri Japan ba ki syntiew kin long ar liang surok bad kumjuh ki syntiew Jacaranda.
Nalor katei ka Shillong New Township ka tnad pynneh khyndew kala shimruh ia ka Mawsynram Block ban thung dieng 10 km, ka Shella Block 10 km, ka Mawlai Block 10 km, Mawryngkneng Block 5 km, mawphlang Block 10 km,Sohiiong Block 18 km.
Ka jingthmu ka long ban pynlong ia kine ki surok kin long kiba itynnad namar kine ki dieng kiba la thung dei ki dieng syntiew bad kin pynmih ia ki syntiew hala ki aiom aiom bad kane kan long baroh saw aiom.
Ka jingthmu jong kane ka jingthung dieng ka long ban pynmih ia ka lyer bad haba ki briew ki wan kin ioh ia ka lyer kaba khuid bad da ka jingdon ki dieng kan iarap ba kjit ia ka tdem kaba mih na ki kali.
Ban pynneh pynsah ia kine don kam ia ka jingiatreilang bad ki shnong ki thaw namar khlem ka jingiatreilang bad ki shnong bad kila ioh ba ka jingjop ka long haba ki don ka jingiatreilang bad ki shnong.
