Shillong, Nohprah 10: Ban nym pynshlur ia ki briew ban bam lane dih duna na ka liang jong ka sorkar mynta ka sngi ka la shim ia ka rai ban pynkiew ia ka khajna jong u duma na kane ka jingpynkiew ka sorkar kan ioh lum T.85 klur tyngka ha ka shisnem.
U myntri rangbah ka jylla u Dr Mukul Sangma haba kren ha ki nongthoh khubor ha dien ka jingialang jong ka cabinet u la ong ba la shim ia kane ka rai ban nym pynshlur ia ki briew ban bam duna ne dih sikeret.
Kane ka jingpynkiew ia ka khajana ka long hadpeng 30% bad 60% da kane ka jingpynkiew ka sorkar kan ioh lum haduh T.85 klur tyngka. Ha ki snem kiba la leit ka sorkar ka ioh ia ka khajna na u duna tang hapdeng T.60 bad T.70 klur ka sorkar mynta kan ioh tam da T.15 klur.
Haba la kylli la ka sorkar kan khang ne em ia ka jingpyndon kam ia u duna ha kane ka jylla na ka liang jong u myntri rangbah u la ong ba ka sorkar mynta ka dang pyrkhat ia kane ka bynta la yn khang ne pynlait kumba ka long.(SP News)
