Shillong, Kyllalyngkot 10: U Dr. Mukul Sangma nongialam ka liang pyrshah ha ka iing dorbar thawain ka jylla mynta ka sngi ka 10 tarik Kyllalyngkot 2026 u kyntu ia ki paidbah ba kin pynneh pynsah ia ka shongsuk shongsain ha Garo Hills bad ha ka juh ka ka por u phah ia ka khubor sngewlwm sha kiba ha iing ha sem halor kane ka jingjia kaba sngewsih.
Haba kren ha ki lat pathai khubor ha Shillong Press Club, u la ong ba ia mynta ym pat lah ban ong ei ei kaei ka daw kaba la wan rah ia kane ka jingjia kaba sngewsih namar lada u kren u hap ban da ioh ia ka jingtip kaba bniah kaba la ialam sha kane ka jingjia ha kaba u wei na ki nongialam seng bhalang u la khlad.
U Dr Mukul u la ong ba, kawei ka jingshisha kaba u tip ka long ba ha kato ka jaka ba don kane ka jingjia kaba sngewsih ki don ka jingtih maw beain, kumba long ha Ri Bhoi District ruh ki donbun bad u la kynnoh ba kine ki mih dei namar ba ka sorkar kan peit kamjngoh ka long kumba pynshlur ia ki kam beain.
U khmih lynti ba kibor jong ka District administration kin leh ia kaba don kam ban pynneh pynsah ia ka shong suk ha Garo Hills bad kyntu ia ki paidbah ban long kiba jai jai ban wanrah biang ia ka jingshong suk.
