Shillong, Rymphang 04: Ka iing bishar jong ka Sessions Judge, Jowai, jong u nongbishar N. A. Khan, kala rai pynrem ia u Stam Surong da kaba set phatok shijingim bad ka kuna T.5000/- tyngka.
Ia kane ka mukotduma la pynshong nongrim halor ka ejahar kaba la ai da u Barwill Singh Sari ha Ummulong Beat House ha ka 08.09.2006 ba u Stam Surong na ka shnong Mukhla Nongrim u la thang ia la ka jong ka lok da kaba theh da ka umphniang sharak.
Ka long kmie shuwa ba kan khlad kala iathuh lut ia kaei kaba la jia baroh sha kiba ha iing bad ia ka mukotduma la register Jowai Police station No. 104(9)06 U/S 302 IPC ia ki jingtohkit la leh da u Sub Inspector A. Rymbai.
Ha dien ki jingbishar ka iing bishar kala shem ba u Stam Surong u la leh ia kane ka kam runar bd la rai ban pynshitom ia u hapoh ka kyndon 302 jong ka Indian Penal Code, da kaba set phatok shi jingim bad ka kuna T.5000/- tyngka.
