Shillong, Rymphang 13: U Tynmen basan G. Pakma ka balang Presbyterian Mawkhar ba bat kum u Secretary Mawkhar Presbyterian Church ha ka 2/Rymphang/2026 la phah ia ka shithi sha u Senior Executive secretary, Khasi Jaintia Presbyterian Synod Sepngi ba ka Balang Presbyterian Mawkhar ba kin mih noh na ka KJP Synod Sepngi.
Ha ka shithi kaba la phah sha u Senior Executive secretary, Khasi Jaintia Presbyterian Synod Sepngi la thoh ba ka jingialang jong ki riew dkhot kaba la long ha ka 1/Rymphang/ 2026 kila ia sani ha ka jingiadei hapdeng ka balang bad ka KJP Synod Sepngi bad kawei na kita ka dei ka jingweng kam ia u pastor kaba kum ka balang kam lah ban pdiang.
Katkum ka shihti kaba la ioh da u SP News Agency kala thoh ba ha ka jingialang paidbah jong ki riew dkhot jong ka Balang, kala ia rai ban pynkut noh ia ka jingiadei bad ka KJP Synod Sepngi, kumta kane ka dei ka jingpyntip ba ka Balang Presbyterian Mawkhar ba naduh ka 2/Rymphang/2026 kala mih noh na ka KJP Synod Sepngi bad pyniasoh pat bad kawei pat ka Synod.
