Shillong, Kyllalyngkot 22: Ka sorkar Meghalaya mynta ka sngi ka la kypad ia ki paidbah baroh ba kim dei ban sngap ia ka jingkhot pakhang shnong ka seng lehnoh kaba la shah niew beain ha ka sorkar ka HNLC kaba juh khot ia ka pakhang shnong ha kum kine ki sngi.
Na ka liang jong u myntri rangbah haba kren ha ki nongthoh khubor ha dien jong ka jingialang ka kynhun ki myntri u la ong ba na ka liang jong ka sorkar ka kyntu ia ki paidbah ban ia mih paidbah ha ka sngi Republic Day bad ym dei ban burom ia ka pakhang shnong kaba khot da seng lehnoh HNLC.
Na ka daw jong ka jingkhot pakhang shnong jong ki seng lehnoh bad ka seng HNLC ha kane ka Ri Khasi na ka liang jong ka sorkar ka la dep ban bthah ia ki pulit ba ki dei ban peitngor bha bad ia ki shipai BSF la dep ban bthah ba ki dei ban peit bha ha khappud bad ka Bangladesh.
Ia ka lama jong ka Ri India ha Polo yn pynher da u Lat jong ka jylla u Dr K K Paul bad kiwei ki myntri sorkar kin pynher ha ki headquater jong ki District bad Civil Sub Division.(SP News)
