Shillong, Lber 09: U Kyrtong shimet u SG Esmatur Mominin ba dei u MLA barim ka Phulbari bad u MDC ka Balachanda u la kam ba katba u dang leit ban thep kyrteng ban ia khun ia ka MDC elekshon sha ka iing dorbar jong ka Garo Hills Autonomous District Council (GHADC) u la shah ktah kti ha ki seng bhalang ha khmat ka DC ophis ha Tura.
Kane ka jingshah kynnoh ba u la shah kti ha ki briew kiba la kam ia lade ba ki dei ki seng bhalang, u tei u kyrtong shimet u la poi sha DC ophis ha Tura ban thep kyrteng ban ia khun ia ka MDC elekshon kaban long ha ka 10/4/2026 ha kane ka sngi sdang thep kyrteng, ha kane ka por la don lang ki nongkyrshan kiba la synran lang.
U Bah CVD Diengsoh Commissioner Secretary habakren ha ki lat pathai khubor halor ka jingjia mynta ka sngi ha Tura ha kaba u wei na ki kyrtong MDC la shah kynnoh ba la shah ktah kti ha ki seng bhalang la ong ba pan ia ka koitphot na u DV jong ka West Garo Hills District.
Na ka liang jong ka sorkar kala phah pulit shuh sha West Garo Hills District ban pynthikan ba kan don ka shong suk shong sain, haba ia dei bad ka syrnot Schedule Tribe kane ka bynta ka dang don ha iing bishar ia kane ka bynta katba ka elekshon kan iaid beit.
