Shillong, Iaiong 30: Ka sorkar Meghalaya kala plie ia ka “College ba dei ia ka Science bad Commerce, Mawphlang” mynta la shisnem bad ka jingai jinghikai ha ka pule puthi kala sdang ha kane ka Kolkej kaba don ha Mawphlang mynta la jan dap shisnem.
Haba ki nongthoh khubor kila poi sha kane ka jaka pule, ka jinglap ka long ba ki don ar tylli ki bynta kiba kongsan ba ka college ka dei ban don, katta ka dei ka um bad ka light, hynrei ha kane ka college kam don um bad kam don light.
Ia ka um la shu wan kit da ka kali na ka ophis jong ka Greater Shillong Water Supply Scheme bad ia ka light la shu pyndon kam da u generator ha kane ka jaka pule, ka jingbym don um bad ka light kala buh iaka college ha ka jingeh.
Haba ia dei bad ki jingtei ia ki iing ki sem na ka bynta ban sah Principal, ki nonghikai bad ki hostel ia ki samla pule la pyndep, hynrei ka jingbym don um bad ka jingbym don ka light kala buh ia ka college ha ka jingeh ban pyndon kam ia kine ki iing.
Ha kane ka College mynta kila don ki samla pule bad ki nonghikai ruh kiba ka sorkar ka la dep ban thung bad kane ka jignhikai mynta kala poi sha ka semester kaba ar ha ka Science bad Commerce ha kane ka college jong ka sorkar kaba don ha Mawphlang, ba sah mynta ha kane ka collge haka por miet dei tang nongap.
