Shillong, Lber 17: Ka ophis jong ka Deputy Commissioner jong ka East Khasi Hills District, Shillong mynta ka sngi kala pynmih ia ka jingtip paidbah ba yn ai jinghikai ei na ka bynta ki samla ka East Khasi Hills District na kabynta kiba kwah rung kam shipai.
Lada don ki samla kiba kwah ban rung sha ka kam shipai kane ka jinghikai ei ia ki samla kan sdang ha ka 30/Lber 2026, la bthah ia ki samla kiba don jingthmu kin leit ban ai kyrteng ha ka ophis jong ka Zila Sainik Welfare Officer, MBoSE Building, Lower Lachumiere.
La bthah ba kito kiba kwah kin leit ban ai kyrteng noh sha katei ka ophis shuwa ka 25/Lber/2026, kiba lah ban wan sha kane ka jinghikai ei kan long tang ia kito ki samla kiba la ia shim bynta ha ka jingpynrung kyrteng ha ka kam shipai kaba long dang shen da kaba pyni ia ka slip kaba ki la ioh.
