Shillong, Iaiong 8: U myntri rangbah ka jylla u Conrad K. Sangma u symbud myntri rangbah u bah Prestone Tynsong mynta ka sngi 8/Iaiong/2026 ryngkat ki nongialam ka seng Catholic Bishop Conference of India kila ia kynduh ha ka nongbah Delhi ia u myntri ka sorkar pdeng u Kiren Rijiju myntri ba dei peit ia ki rit paid ha ka Ri India.
Haba kren ha ki lat pathai khubor hadien ka jingiakynduh ia u myntri sorkar pdeng u myntri rangbah ka jylla u Conrad u la ong ba kane ka jingiakynduh ka long halor ka Foreign Contribution (Regulation) amendment Bill 2026.
Ha kane ka jingiakynduh u la pynpaw ia ka jingsngewkhia kum ki khristan ha kaba ia dei bad kane ka amendment khamtam ka kyndon ba 16 ha kaba la pynrung ia ka kyndon kaba thymmai ha kaba lah ban shim ia ki jingdon jingem ha kane ka jingiakynduh kum ka kynhun kila pynsngew ba donkam ban ia phylliew jingmut bad ki kynhun bapher bapher.
U myntri rangbah u la ong ba ki pynpaw ia ka jingsngewnguh ia u myntri ha kaba u la kular ba ia kane ka kam un sa ia kren bad ki bor kiba ha khlieh duh bad un sa pyntip ia ka jingmih na kata ka jingiakren.
Kum ka kynhun ki don ka jingkyrmen ba kan don ka jingiamir jingmut kaba bniah bad ka jingpynkylla ia ka Bill ban pyntikna ba ki jaka puta bad ka hok jong ki kynhun bapher bapher khamtam jong ki khristan kin ioh ia ka jingiada.
