Shillong, Iaionng 14: Ka Seng KSU ka shnat Laban hadien ba ka la wad bniah halor ka jinglong trai jong kane ka jaka, ka la lap ba kane ka jaka kam shim dei ka jong no jong no ruh ba ki muslim ki lah shna Masjid beaiñ ha kane ka jaka khlem da ioh jingbit na ka shnong ne na ki bor ba dei peit.
Dei halor kane ka nongrim kaba la pynlong ïa ka Seng ban khang noh ïa kane ka jaka lehniam ba beaiñ jong ki muslim bad ban beh ruh ïa u imam uba sah beaiñ bad uba ai jinghikai shaphang ka niam Islam ha kane ka jaka.
Ha ki por ba rim kala ai jaka ban shna iing na bynta u chowkidar uba peit ïa ka lumjingtep muslim, hynrei mynta pat kane ka jaka ka kylla long kum ka masjid kaba long beaiñ.
Na ka liang jong ka Dorbar Shnong Lower Lumparing ruh hadien ba ka la ioh jingujor na ka Seng kala jurip bad ka la rai ban pynduh noh ïa kane ka masjid hynrei na ka liang jong kine ki muslim kim shim lah leh eiei halor kane ka bynta. Ka Seng ha kine ki sngi kan sa buh jingujor ha khmat ki bor pyniaid ban weng syndon ïa kane ka jaka.
