Shillong, Iaiong 20: U shnongknor ka Ri Bhoi Tourism Environment and Development Forum u bah Plielad Tiewsoh u la pyntip ba ia kan don ka “Niangtaser Festival” kaba yn pynlong haki 2 sngi lynter kata haka 7 bad 8 tarik u Jymmang 2026.
Ia ka tamasa ynb sdang ha ka 7 tarik yn sdang naduh ka por 10 baje mynstep bad terter yn pynbud iaki programme bapher bapher ha katei ka jaka kiba kynthup naduh ka iakop rwai bad ka iakop shad, ka jingiakop pynisap, ka jingialehkai football ha madan Saiden lem bad kiwei kiwei bad haki janmiet jong kitei ki arsngi kin don ruh ki jingpynbyrngia na ki nongrwai jong ka thain.
U bah Plielad Tiewsoh haba batai halor kane ka Tamasa u la ong ba ka long kaba donkam bha iaki paidbah ban wan sakhi ia kane ka Tamasa namar la pynlong tang shisien haki saw snem kaba iadei ruh thik bad ki snem ba pynlong iaka FIFA World Cup.
Ha kitei ki arsngi kin don ruh ki jingiathuhkhana shaphang u Niangtaser kaba long na ka bynta ka jingtip jong kiba bun halor ka jinglong ba kyrpang jong u Niangtaser.
Na ka bynta kiba kwah ban shimbynta haki jingiakop bapher bapher jong katei ka tamasa kin phun sha ki nongpyniaid na ka bynta kiba kwah ban sahmiet haki tent phun ha u number 9615452206, 7085252752, na ka bynta kiba kwah ia shimbynta haka jingiakop shad ne rwai phun ha u number 8731961273.
Kiba kwah ban iashim bynta haka jingiakhwai dohkha phun ha u number 70085761881, na ka bynta kiba kwah ban iashim bynta haka jingialehkai football bad ban shong stall kin phun ha u number 7085252752 lane7308565471.
