Shillong, Iaiong 25: Ka jingialehkai jong ki skul ka Ri Bhoi District 2026 kaba la pynlong ha Pahamsyiem kaba lai sngi lynter kala kut ha ka sngi Thohdieng ka 24/Iaiong/2026 hapdeng ka jingiashim bynta ki khynnah skul ha ki 17 tylli ki jait jingialehkai.
Baroh 1350 ngut ki khynnah na ki 45 tylli ki skul kiba la wan ban shim bynta kila ia khun tyngeh ban poi sha ka jingjop ha baroh ki jingialehkai, kum ka jingiamareh bad kiwei kiwei ki jingialehkai kiba la pyniap biej ia ki nongleit peitkai.
Ha ka sngi kaba kut la sam ia ki khusnam sha ki nongjop bad sha ki skul kiba wan ban ia shim bynta ha ki jingialehkai, ha kane ka jingialehkai ka skul St Alfred Higher Secondary School Marngar kala long ka nongjop ha baroh ki liang bad wan ba ar ka St Paul Higher Secondary school Nongpoh.
Ha kane ka sngi pynkut ia kane ka jingialehkai kaba lai sngi u MLA jong ka nongpoh u la shah khot kum u kongsan, ha ka jingiadon lang u District School Education Officer bah Restorewel Shadap, u District Sport Officer ka Ri Bhoi District bah Bobby L Nongbet President ka RBDSA u bah RB Shadap ka Assistant Commissioner ka District ka E Marak bad kiwei kiwei.
Kum ka jingkynmaw ieid iaka Samla Retina Hanse kaba dei ka Samla kaba la ju wanrah iaka nam ka burom iaka district iaka jylla hi baroh kawei naka liang ka liang ka District Sports Office jong ka District kala pynkup burom iaka kmie jong ka Retina Hanse kum ka dak jong ka jingieid bad ka jingkynmaw iaka.
