Shillong, Iaiong 25: Ki College kiba don ha ka jylla Meghalaya kiba la pyniasoh bad ka North Eastern Hill University (NEHU) ki don ha pdeng ka jingklumar jingmut la kin pyniaid sha khmat ia ka semester kaba hynniew ne kin pynkut noh tang ha ka semester kaba hynriew.
Ki thymmai khubor kiba u SP news Agency u la ioh ki iathuh ba ki nongpyniaid iaki College ki don ha ka umdom ka daw ka long ba kine ki samla pule kiba la don mynta ha ka semester kaba hynriew kin sa thoh ia ka phainal eksam ha u bnai Jylliew, hynrei haduh mynta na ka liang jong ka NEHU kan pat ai kano kano ka jingbthah sha ki college ia ki lynnong ba kin hikai sha ki khynnah pule.
Katkum ka New Education Policy 2020 ka kren shai ba ki samla pule kiba pyndep tang haduh ka semester kaba hynreiw kin ioh ia ka syrnot ba kila pass iaka Major kaba mut kim lah ban leit sha ka semester kaba hynniew bad phra.
Na ka bynta kito ki samla kiba kwah ban pule ha ka semester kaba hynniew bad kaba phra ha kano kano ka bynta jong ka jingpule, ki don ha ka umdum namar ka NEHU haduh mytna kam pat ai kano kano ka jingbthah kumno ban iaid sha khmat ia kane ka jingpule.
Ka eksam ia kiba la don mynta ha ka semsaster kaba hynriew kan long ha u bnai Jylliew bad mar ia dep ia ka eksam kiba kwah ban dang pule sha ka semester kaba hynniew kin sa sdang ha u Natiung hynrei haduh mynta ka NEHU kam pat ai kano kano ka jingbthah.
