Shillong, Iaiong 25: Ki pulit Jong ka Laitumkhrah Police Station kila ioh ia ka jingujor na u bah P. Lamare ba ki riew sniew kiba ym lah ban tip kila tuh ia ka pisa T.7.5 lak tyngka na ka Scooter ha Laitumkhrah, Shillong kane kala jia ha ka 22/Iaiong/2026.
Ki pulit ha kane ka nongbah Shillong ha kine ki sngi kila ioh ia ka jingujor na ki briew ba saw tylli ki Scotty kila shah tuh na ki jaka bapher bapher jong kane ka sor Shillong ha ki nongtuh kiba ym lah ban tip.
U Krishna Das ba sah ha Motinagar la ujor sha ki pulit ba ka Scootter jong u kaba don ia u number ML-05Y-3086 bad kane ka jingshah tuh ka long ha ka 23/Iaiong/2026. Ka kong B Dkhar kala ujor ba ki briew kiba ym lah ban tip kila tuh ia ka scooter jong ka ba don ia u number ML-05AG-0836 na Lummawbah.
U Malek Ali ula ujor sha ki pulit jong ka West Garo Hills ba ka bike jong u kaba don ia u number ML-08E-6920 kala shah tuh na Iew Chininang ha ka 20/Iaiong/2026. Kane ka jingtuh ia ki kali ar shaka ka long ha kylleng ka jylla Meghalaya bad ki pulit ruh ki ialeh tyngeh ban ioh kem ia ki nongthuh.
