Shillong, Iaiong 25: Mynta ka sngi ka party BJP jong ka Meghalaya State Unit kaba dei na ka liang jong ki kynthei kila pynlong ia ki jingiakhih da kaba rah ia ki nongthoh ha kane ka nongbah Shillong ban dawa ba ki liang pyrshah ki kyrshan ia ka Bill ka bhah mang kyrpang 33% ia ki kynthei ba kin don ha iing dorbar tawain.
Ia kane ka jingiakhih ha Khyndailad la ialama da ka kong Arena Hynniewtak aba dei ka President jong ka Mahila March ka jylla bad la ia don lang ki dkhot ka East Khasi Hills District, ka kong Hynniewta ka kyrmen ba kane ka sorkar kaba mynta kan lah ban pass ia kane ka bill.
Ha kane ka juh ka sngi ki nongialam ka BJP kila pynlong ia kane ka juh ka jingiakhih ha Polo ha kaba la ialam da ka kong Daniela Nonglait ka secretary jong ka Mahila Morcha ka jylla ha ka jingiadon lang kiwei kiwei ki nongkit kam ka party.
Ki kynthei jong ka party BJP kila shim ia rai ba kin dang iai bteng ia kane ka jingdawa ba dei ban pass ia ka bill ban mang bhah kyrpang ia ki kynthei ha ki iing dorbar ha ka Ri India kaba 33% na ka bynta ki kynthei.
