Shillong, Iaiong 27: Mynta ka sngi ka eriong kala khikhyllep kynsan ha South West Garo Hills District ha kaba bun bah ki shnong kila shah ktah bad ha kane ka jingjia 76 ngut ki briew kila mynsaw bad bun bah ki iing kila julor.
Ka ophis jong ka Deputy Commissioner kala iathuh ba ki jaka kiba la shah ktah palat dei ka Rerapara, Zikzak bad Purakhasia C&RD Blocks. Ha Rerapara Block kila don 36 ngut kiba la mynsaw ha ki san tylli ki shnogn kbia la shah ktah bad bun bah ki iing kila julor.
Ha Zikzak C&RD Block la ioh jingtip ba 28 ngut ki briew kilamynsawbad san tylli ki iing kila julor bad lai tylli ki shnong ki iing kila shah ktah malumala, ha Purakhasia, 12 ngut ki briew kila mynsaw bad ar tylli ki iing kila julr ha ki ar tylli ki shnong.
Ki don 12 tylli ki iing kiba la shah pynjulor bad 11 tylli ki shah pynjulor malunala ha ki 10 tylli ki shnong ha kane ka jinglynshop ka mariang. Ha kane ka jingwan ka eriong ki pliang salor panel kila shah pynkhynllem ki dieng elektrik kila shah pynjulor.
Na ka liang jong ki bor ba dei peit kila ialeh kloi lan ban pynbha ia ki dieng elektrik bad ki lad jingiarap la phah sha kito ki long iing kiba la shah ktah bad na ka liang jong ki bor jong ka District Administration ki dang peit ban nym jia kano kano kaba sngewsih.
