Shillong, Iaiong 27: Sa shisien pat ka jingiakop ia kura ka State Boxing Championship 2025-26 kan long ha Mawlai Mawroh, kane ka jingiakop ia kura kan long saw sngi lynter bad ki nong ia shim bynta shynrang bad kynthei ki long 105 ngut.
Ha kane ka jingiakop ia kura kan long na ka bynta ki khynnah hapdeng 15 bad 16 snem bad na ka bynta ki samla kan long hapdeng ka rta 17 bad 18 snem bad ia kine yn phiah katkum ka jingkhia kat kum ki kyndon kiba pynialehkai ha ka pyrthei bad ha ka ri la ong ba bah Larry Kharpran u MBA Technical Director.
Kiba lah ban wan ia shim bynta dei tang na kito ki kynhun kiba laithuh, u bah Kharpran u ai khublei ia ka tnad ialehkai kaba la ai jingkyrshan ia kane ka jingiakop ia kura.
Ban plie ia kane ka jingiakop ia kura yn wan ban plie da ka Assistant Director ka tnad ialehkai, Paia B War Nongbri. Ha ka sngi sdang kin donlang ruh ki dkhot jong ka Meghalaya State Olympic Association (MSOAu General Secretary bah Finely L Pariat, Rangbah Shnong ka Mawlai Mawroh bad kiwei kiwei de.
