Shillong, Iaiong 27: kane ka long ka jingpynbna paidbah ia ka jinglong jingman ka suinbneng ha East Khasi Hills District naduh ka 27/Iaiong/2026 haduh ka 1/Jymmang/2026 katkum ka jingpyntip lypa da ka ophis jong ka India meteorological Department.
Katkum ka jingpyntip ka metrological department kala iathuh ba kane ka jingslap jur kan long naduh mynta ka sngi ka 27th Iaiong, 2026 – Ka lyer bajur 50-60 kmph ryngkat bad u slap ba jur bad ka leilieh. Ka 28th Iaiong, 2026 – Ka lyer bajur 40-50 kmph ryngkat bad u slap ba jur bad ka leilieh. Ka 29th Iaiong, 2026 – Ka lyer bajur 40-50 kmph ryngkat bad u slap ba jur bad ka leilieh. Ka 30th Iaiong, 2026 – Ka lyer bajur 40-50 kmph ryngkat bad u slap ba jur bad ka leilieh. Ka 1st Jymmang, 2026 – Ka lyer bajur 40-50 kmph ryngkat bad u slap ba jur bad ka leilieh.
La bthah ia ki paidbah ba kin shim ia kine ki lat jingiada ban lait na ka jingmynsaw, Khmih ban pynskhem bha ia ki tiar ki tar kiba la shah rong ha ka lyer kum ki thup dieng, ki tin sop lane mawit ba shong synjor, ki tin/sop theh niut, ki sign board bad kiwei kiwei ki mar kiba lah ban shah rong ha ka por ba jur lyer.
Lada ka jingba leilieh ka long kaba jur bad ba neh slem kan bha shibun ban nym pyndonkam ne ban pynmeh ia ki tiar elektrik kum ki mobile, istri, radio, telebishon, bad kiwei kiwei ki tiar kiba pyndonkam da ka bor elektrik.
Ki nongshong shnong ki dei ban long kiba phikir ban iada ialade namar ka jingshlei um ka lah ban jia hadien jong u lapbah khamtam ha ki jaka kiba harud jong ki wah bad ki wahduid.
La kyntu ia ki paidbah ban kiar na kaba jam ia ki wahduid, ki wahbah bad ki kshaid ha ka por ba jur slap. Phim tikna ia ka bor jong ka bad ia ka um kaba jyndong ba tuid sted ka lah ban pynkyllon ia phi.
Wat tur ne niah ia ki kali haba don ka jingshlei um bad kiar na ki post elektrik ban lait na ka jingshah bat ha ki bor elektrik. Phone ha u 112 lada donkam jingiarap haba don kino kino ki jingjulor.
La kyrpad ia ki paidbah ban long kiba phikir bad shim ia ki lad jingiada ban lait na kino kino ki jingmynsaw.
