Shillong, Iaiong 28: Mynta ka sngi 28/Iaiong/2026 ka seng Awaken India Movement kala pynlong ia ka jingialang ha khmat ka dur mot jong u Woh Kiang Nangbah ban pyrshah ia ka jingpyndonkam ia u Aadhaar kane ka jingialang ka long ban dawa ba dei ban weng ia ka jingshah pynbor ban pyndonkam ia u Aadhaar.
U bah Bashai Marbaniang shongknor jong ka Awaken India Movement Meghalaya State Chapter haba kren ha kane ka jingialang paidbah u la ong ba bun bah kila shah pynduh khaw ration bad ki skhim sorkar bapher bapher, ha kajuh ka por ruh u la ong ban dawa na ka High Court bad Supreme Court bad ban shim ia ka rai ban nym leit thep vote shuh da lei lei ruh em.
Ha kaba sdang na ka liang jong ki Magistrate kila pyrshang ban nym shah ban pynlong ia ka jingiaid paidbah hynrei na ka liang u shongknor ka seng AIM u la ia pyni nia da kaba ong ba kane ka dei ka synshar paidbah bad hadien ka jingiakren na ka liang jong ki bor ka District Administration la shah ba kin iaid.
Ha kane ka jingailad ba kin iaid paidbah la shah ia ki na kawei pat ka lynti ym kumba ki thmu bad ia kane na ka liang ki nongialam ka AIM kila pdiang ia kaei kaba la ia kren bad ba kin ioh ban pyndep ia kaba ki thmu ban iaid paidbah ban pyrshah ia kane ka jingpynbor ban pyndonkam ia u Aadhaar.
