Shillong, Iaiong 28: Ka seng Hynniewtrep Achik National Movement jong ka Ri Bhoi District kila leit ban jurip ia ka PHC ha Mawlasnai haka 27/Iaiong/2026 ha dien ba kila ioh ia ka jingujor na ki paidbah ba don tang kawei ka doktor ha katei ka jaka ai jingsumar ka sorkar.
Ha kane ka jingleit ka seng kala lap ban don tang ka doktor AYUSH ym don doktor MBBS ha kane ka jaka ai jingsmar jong ka sorkar, na ka liang ki nongialam ka seng kila ia kynduh ia ka doktor ban ia kren ia ki jingeh kane ka jaka ai jingsumar.
Ha kane ka jingleit jurip la shem ba kane ka jaka ai jingsumar ba tang ki nurse ruh ki duna, ki jaka sah kila jot bad kaba kongsan ka long ba kam don ka jaka ban pynleh ia ka MHIS kaba ki paidbah ki don kam haba leit shah sumar namar ymdon doktor MBBS.
Kane ka Mawlasnai PHC ka ai ka jingshakri ia ki 42 tylli ki shnong bad 23 hajar tam ki paidbah nongshong shnong kiba wan shah sumar ha kane ka Mawlasnai PHC ha kine ki sngi ki ban sah wan naka liang ka Seng kan sah leit ruh ban ia kynduh ia u Myntri ba dei peit iaka ka tnat ka Koit ka Khiah jong ka Sorkar Jylla.
Ia kane ka jingleit jurip la ialam da u president ka seng ka Ri Bhoi District u bah Justin Masharing, ha ka jingiadon lang u bah Woeshall Makdoh president ka seng na ka Eastern Zone bad kiwei kiwei ki dkhot ka seng kila ia donlang.
