Shillong, Iaiong 30: Ka seng samla pule ka Khasi Student Union kaba don ha Bangaluru kala pynpaw ia ka jingsngewsih kaba khraw ba kawei ka samla na ka shnong Tangmang kaba la tip kyrteng kum ka Agatha Ba Ithianghun Khongwet kala khlad ha iing sahwai ha Bengaluru.
La lap ia ka ba kala iap ha iing sahwai jong ka ha pdeng ka por 7.00 bad 7.30 baje mynmiet bad ka sahwai ha Hebbal ha Bangaluru bad la ong ba kala ia sah lang bad u Nawaz Sharif ba dei na ka jylla Manipur.
Ia kane ka jingjia ki pulit ki dang tohkit ban lap ia ka jingshisha la ka pyniap hi ia lade ne ka don kano kano ka jingshah pyniap, na ka liang jong ka KSU kala don lang ban ai ka jingkyrshan ia kaei kaei kaba don kam bad kila kyntu ia ki bor ba dei peit ban ai ka jingtohkit kaba khuid bad ha ka juh ka por ka phah ia ka khubor sngewlem sha kiba ha iing ha sem jong kaba khlad.
