Shillong, Jymmang, 01: Mynta ka sngi ka 1 /Jymmang/ 2026, ka tnad ba dei peit ia ki nong bylla ha ka sien ba nyngkong la pynlong ia ka jingleh burom ia ki nong bylla ha ka jylla ha ka jingialang kaba la pynlong ha State Central Library Shillong, ha kane ka sngi burom jong ki nong bylla kaba la tip kum ka International Workers Day.
U Myntri Rangbah ka jylla, u Conrad K. Sangma haba kren ha kane ka sngi u la ong ba baroh shi katta la rakhe ia kane ka sngi burom ki nong bylla hangne hangtai ha ka rukom kaba rit, hynrei mynta ka sngi ka dei ka sien kaba nyngkong ba kum ka jylla kan rakhe ia ka sngi burom ki nong bylla.
Ha kane ka sngi, u Myntri Rangbah ka jylla u la ai burom ia baroh ki nong bylla ha kaba u la ong bad kren da ka ktien Khasi, ki nong bylla ki dei ki paia jong ka jylla. Ha kane ka sngi la ioh ruh ia ka jingkren na u Myntri ba dei peit ia ka tnad ki nong bylla, u Bah Methodius Dkhar.
Ha ka jingkren u Principal Secretary, u bah Frederick Roy Kharkongor ba dei peit ia ka tnad nong bylla u la ong ba ha ka por ba long Labour Minister ha ka sorkar pdeng, u Purno A. Sangma bam kwai ha dwar u blei ha kaba u la wanrah shibun ki jingkylla na ka bynta ka jing myntoi ki nong bylla.
Ka sorkar jylla mynta ka dang ialeh kumno ban pyn poi ia ki jingiarap beit beit sha ki nong bylla bad ha kane ka sngi ki dang iashong ban iakren kumno ban pynbha ia ka jingtreikam ban myntoi ki nong bylla.
