Shillong, Jymmang 03: Ka seng samla pule KSU kaba don ha Bengaluru ka buh ka jingkylli ba balei ka sorkar Meghalaya ka pynslem ban phah maranot ia ka Meghalaya House kaba la dep ban thied ha u bnai Jylliew ha u snem 2025 mynta la shisnem khlem phah maramot ia kane ka iing.
U Samla Donboklang Nongphud la ong ba kum ka seng ka kwah ban iohi ba ka sorkar kan pynbha noh ia kane ka iing kaba la dep ban thied khnang ban dup ioh pyndon kam ia ka na ka bynta ka jingmyntoi ki briew ka jylla kiba don ha katei ka nongbah.
La iathuh ba naduh ba ka sorkar kala dep ban thied ia kane ka iing ha u snem Jylliew ha u snem 2025 haduh mynta la jan dap shisnem ka sorkar kam shym leh ei ei ban pynbha ia ka, ka KSU ka kwah ban iohi ba ka sorkar ka dei ban pynbha noh ban ioh pyndon kam.
Ka jingdawa jong ka seng KSU ban don ia ka Meghalaya House ka dei kaba la slem bha bad ia kane ka jingdawa la lah ban pynurlong ha kane ka sorkar kaba mynta ha kaba kala thied ia ka iing kaba la don lypa bad kaei kaba ki kwah ka long ba ka sorkar kan pynbha noh ban ioh pyndon kam na ka bynta ka jingmyntoi ki paidbah kane ka jylla kiba don da ki hajar ngut ha katei ka nongbah.
