Shillong, Jymmang 04: Mynta ka sngi ki nonghikai college bad ki nongtrei kiba hap hapoh ka Deficit kila pynlong ia ka jngia ka jingiakhih ha ka jong ki ha kylleng ka jylla Meghalaya ha phyllaw jong ki jaka pule ban pynpaw ia ka jingpyrshah ia ia ka polisi jong ka sorkar ha ia dei bad ka baibam tynmen.
Ha ka jingiakhih ha kawei na ki Kolej ha kane ka nongbah Shillong, ha Shillong College ha ki pla kard la thoh ba ki kyntait ia ka polisi kaba ka sorkar kala tyrwa ban pyntrei kam ia ka baibam na ka bynta ki nonghikai bad kiba trei ha ki deficit collge.
Wei na ki nonghikai la iathuh ba ia kane ka jingiakhih mynta ka sngi la pynlong ha kylleng ka jylla Meghalaya ha la ki jong ki jong ki college, ha Shillong, Tura, Jowai, Sohra ruh kum juh bad kane ka dei ka jingiakhih ba dawa ia kaei kaba ki dei hok ban ioh.
Ka kong I. Marbaniang kala ong ba kane ka jingiakhih ka long pyrshah ia ka “Contributory Provident Found” kaba ka sorkar kala wanrah ka long pyrshah ia kaei kaba kila ai jingmut ha u snem 2023.
Ki Deficit College baroh kiba don ha ka jylla ki long khatlai tylli, na kine 10 tylli ki don ha East Khasi Hills District, kawei ha West Garo Hills, North Garo Hills kawei bad kawei pat ha Ri Bhoi District.
