Shillong, Jymmang 4: Ka Meghalaya Board of School Education mynta ka sngi kala pynmih ia ka result jong ki samla pule ha ka Higher Secondary School Leaving Certificate kaba dei jong u snem 2026 ha ka Arts, Science bad Commerce Stream.
Ha ka Arts Stream kiba applai ban thoh ia kane ka exam ki long 23,773 kiba la wan ban thoh ki long 23,559, kiba la pass ha ka kyrdang kaba nyngkong ki long tang 4,739 ngut kiba pass ha ka kyrdang kaba ar ki long 12,813 ngut bad kiba pass ha ka kyrdang kaba lai ki long 2,232 ngut.
Kiba ialeh tang kawei ka sobjek kiba pass ki long 887 ngut kiba wan ialeh biang ban kham pynbha ki long 211 ngut baroh kiba pass ki long 20,882 ngut ha ka percentage ka jing pass ka long 88.63%.
Ha ka Science Stream kiba applai ban thoh ia ka exam ki long 3,779 ngut kiba wan thoh ia ka exam ki long 3,732 ngut kiba pass ha ka kyrdang kaba nyngkong 1,783 ngut kiba pass ha ka kyrdan kaba ar ki long1,177 ngut bad kiba pass ha ka kyrdan kaba lai ki don 6 ngut kiba pass kiba ialeh tang shi sobjek ki long 118 ngut bad kiba pass kiba kwah ban leh kham bha ki don 40 ngut baroh kiba pass ki long 3,124 ngut bad ha ka percentage ka jing pass ki samla pule 83.70%.
Ha ka Commerce Stream kiba applai ban thoh exam ki long 2,483 ngut kiba wan thoh ia ka exam ki long 2,463 ngut kiba pass ha ka kyrdang kaba nyngkong ki long 908 ngut kiba pass ha ka kyrdang kaba ar ki long 1,097 ngut ha ka kyrdan kaba lai ki don 23 ngut kiba pass ba wan thoh tang kawei ka sobjek ki long 124 ngut bad kiba pass kiba kwah ban leh kham bha ki don 3 ngut baroh kiba pass ki long 2,155 ngut bad ha ka percentage ka jing pass ka long 87.49 %.
Ki samla pule kiba la thoh ia ka exam Vocational Stream ki don 21 ngut kiba pass ki long 20 ngut kiba pass ha ka kyrdan kaba nyngkong ki don 3 ngut kiba pass ha ka kyrdan kaba ar ki don 13 ngut bad kiba pass ha ka kyrdan kaba lai ki don 2 ngut bad kiba wan ban ialeh tang kawei ka sobjek kiba pass ki long 2 ngut ka jingpass jong ki samla pule ha kane ki long 95.23%.
