Shillong, Jymmang 04: Ka BJP Meghalaya State Unit mynta ka sngi kala pynlong ia ka jinglehkmen ha ophis jong ka party ia ka jingjop ha ki ar tylli ki jylla ia ka MLA elekshon kaba la dep ban niew vote mynta ka sngi ha West Bengal bad Assam.
U nongai ktien ka seng u bah Mariahom Kharkrang la ong ba ka party kala pynlong ia ka jingkynmaw burom kaba kyrpang ia u Dr. Shayamaprasad Mukherjee u bala don ka jingiohi jngai ia ka jylla West Bengal ba kan kiew kumba kiew lem kiwei ki jylla ha ka Ri India.
Ka party ka pynpaw ruh ia ka jingsngewnguh ia baroh ki nongkyrshan jong ka party kiba la len lade ban wanrah ia ka jingjop ha kane ka jylla West Bengal wat ha pdeng ki jingshah byrngem bad sha leh don bor.
Ka jingjop ha West Bengla ka la dei ka khana parom ha ka sain pyrthei bad kane ka jingjop ka long baki briew kane ka jylla kila kwah ban don lang bad u myntri rangbah duh ka jylla u Narendra Modi.
Kum ka party ka ai jingkhublei ia ki pyrton shipai kiba la ai ka jingiaida ia ki paidbah ha kane ka elekshon, ha ka juh ka por ka jingkhublei ka leit ruh sha ki nongtrei ka party ha kajylla Assam kiba la pynjop don burom biang ia ka party mynta ka kynti ruh kaba la long lai sien lynter.
