Shillong, Jymmang 04: Mynta ka sngi 4/Jymmang/2026 ka seng ki nonghikai hapoh ka lama Meghalaya School Welfare Association kala ia kynduh ia u symbub myntri rangbah ka jylla u bah Prestone Tynsong ha kaba ki la ai ia ka dorkhas ha kaba ia dei bad ki jingdawa ia ki skul, Secondary School Leaving Certificate bad Higher Secondary School Leaving Certificate kaba kila dep ai mynta u snem 2026.
Haba kren ha ki lat pathai khubor hadien ka jingiakynduh ia u symbud myntri rangbah ka jylla u bah H.M. Marbaniang president la ong ba kila ia kren ia ka dorkhas kaba kila ai sha ka sorkar bad ka phang pdeng jong ka jingiakren ka long ia ki skul Secondary School Leaving Certificate bad Higher Secondary School Leaving Certificate.
U la ong ba ha kane ka jingiakynduh kila ia kren sani ia ki hynriew tylli ki mat kiba ka seng kala buh ha khmat ka sorkar bad kawei kaba ha khmat eh ha kane ka jingiakren ka long ba ki lad jingiarap pisa sha kine ki skul na ka por sha ka por ia kaba kila ai sha ka sorkar.
Ia kane ka jingeh jong ki skul SSLC bad HSSLC la ia kren ruh bad u myntri ka tnad pule puthi ba mynshuwa u Rakam A. Sangma na ka liang jong u, u la pynpaw ka jingsngewkhia ia kane ka bynta ha kaba u la ai jingmut ba ia kane ka kam dei ban ia kren bad u myntri rangbah ka jylla.
