Shillong, Jymmang 19: Ka State Rural Employment Society (SRES), ka State Nodal Implementing Agency na ka bynta ka Dharti Aaba Janjatiya Gram Utkarsh Abhiyan (DA-JUGA), ka la pyn ithuh ia ka IEC Campaign ‘Jan Bhagidaari – Sabse Door, Sabse Pehle’ na ka bynta ban pyntip halor ki skhim pynroi na ka bynta ki paidbah ka jylla bad pynlong ia ka Beneficiary Saturation Camps naduh ka 18 tarik Jymmang haduh 25 tarik, Jymmang, 2026 ha baroh ki shnong nongkyndong kiba hap hapoh ka DAJGUA ha ka jylla Meghalaya.
Ha u snem ba la lah, ia ka jingpynshai ia ka jingjop ka IEC, la pynlong ha kylleng kane ka jylla. Mynta, kum ka jingbud dien ia kine ki jingpynshai, baroh ki distrik kiba hap hapoh ka DAJGUA kin kyntiew biang ia ka IEC Campaign bad pyn thikna ba ia ka Beneficiary Saturation Camps, yn pynlong ha kylleng kane ka jylla.
Kane ka kampein, ‘Jan Bhagidaari Sabse Door, Sabse Pehle’, kan dei shaphang ka jingkynduh ha madan, ka jingpyndap ia ka jingshakri, ka jingkhmih ia ka jingkoit jingkhiah bad ka jingiohi ia ka jingim.
Kane ka campaign kan sa ai ia ka lad ban ioh jingmut halor ki Abhiyans bad pynsngap ia ki khana ba jop bad ki jinghikai. Baroh ki jingioh jingmyntoi na kine ki skhim jong ka sorkar pdeng bad sorkar jylla, yn sa pyn jlan sha ki paidbah ka jylla kum ha kane ka por.
Ha ka jing rakhe ia ka jingktah kaba dang iai bteng jong ka DA-JUA, ia ka Information, Education, and Communication (IEC) campaign kaba dang pynleit jingmut mynta kaba la sdang naduh ka 18 tarik, Jymmang haduh 25 tarik, Jymmang 2026, la sdang ha baroh ki shnong nongkyndong ba don haduh 1,437 ha kylleng ka jylla Meghalaya.
Kane ka jingpynshai kaba la sdang biang por kan pyn biang ia ka rukom treikam bad ai jingtip shaphang ki katto katne ki skhim sorkar beit beit sha ki nongshong shnong, da kaba pyn thikna ba baroh ki jingioh jingmyntoi jong kane ka jingsdang, kan poi sha man ki kyndong kynshrot jong ka jylla.
Ki bynta ba kongsan jong kane ka kampein IEC ki kynthup ia ka jingpynlong ia ki camp ha ka nongkyndong bad ha ki thain shnong ban pynsuk ia ka jingsam ia ki hok kiba ki briew ki dei ban ioh lyngba ka sorkar, ki prokram pyn sngewthuh kiba dei shaphang ka jing batai ia ki paidbah jong ka shnong halor ki skhim sorkar bad ki jingioh jingmyntoi.
Kane ka long ban pyn thikna ba ia ka jingbun briew jong ki riewlum, la dep pyntip, ka jingpyniadei hapdeng ki tnad ba bun, kum ka jingiatreilang kaba ia tylli ban pyn thikna ia ka jingshakri kaba suk bad ka jingiakren kaba thikna.
Kane ka la pynpaw ia ka jingaiti jong ki nongshim bynta sorkar ha kane ka kam, ka batai ruh halor ka phang ban pyrkhat ban pyn poi sha ki shnong ki thaw, ka jingpyn shlur ban iashim bynta lang ki dkhot ka imlang ka sahlang bad pyn thikna ia ka jingjop jong ka kampein IEC.
Baroh ka kynhun ba don bynta ka la shah kyrpad ban iashim bynta ha kane ka prokram, ha kaba yn don ka jingnoh synniang ha ka jingsdang ia kane ka prokram jong ki skhim ai jingmyntoi bad plie ka lad ka lynti na ka bynta ka jingioh kam ioh jam kaba neh janai ha ki jaka jong ki riewlum.
