Shillong, Jylliew 10, 2026: Ka State Council of Science Technology bad Environment (SCSTE), Meghalaya, bad ka Lords Education and Health Society – Wadhwani AI ka la iasoi ia ka Memorandum of Understanding (MoU) ha ka 10 tarik Jylliew 2026, ha ka ophis jong ka Mitali Chandra, IAS, ha kaba iadei bad ka jingpyn donkam da ka Artificial Intelligence(AI) na ka bynta ka jingtreikam ba thymmai bad kiwei ki kam pynroi ha ka jylla Meghalaya.
Kane ka jingiatreilang ka sorkar bad ka artificial intelligence ka thmu ban pyn don kam da ki kor ki bor komputar ban teh lakam ia ki jingeh. Ki kwah ban pynsuk ha ka treikam trei jam ki nongtrei, sdang da kaba pyn donkam da ka AI ban iarap ia ki nongrep ha kk jingthung jong ki bad ki khynnah samla pule ha ka pule puthi jong ki.
Ha ka liang ka rep ka riang, kane ka mut ba ka sorkar lane ka kynhun ka rep ka riang ki la sdang iatreilang ban pyn don kam da ka AI ban iarap ia ki nongrep ban shim ia ki rai kiba janai bad kiba don nongrim na ki jingkhein jingdiah.
Ha ka liang ka pule dangle, kane ka jingiatreilang kan sdang pyn ithuh ia ka jingpyn donkam ia ka AI ha ki skul khnang ban tip ia ka jingstad ki khynnah skul.
Ka AI mar mar kan peit thuh ia ka jing stet jong ki ha ka pule puthi, ka jinglah bad ka rukom kynnoh ia ki ktien khnang ban ai sha ki nonghikai ia ki kaiphod jong ki khynnah skul. Kane kan iarap shibun ia ki nonghikai ba kin tip kino ki khynnah kiba tlot ha ka pule puthi bad ai jingiarap ia ki.
Ki ar tylli ki kynhun ki dang iatreilang ban rah ia ka ‘Artificial Intelligence’ (AI) ha Meghalaya ban pynjem ia ki jingeh jong ka thain, ban tei ia ka sap pyntbit halor ka tekinoloji, bad ban pynthikna ba kane ka tekinoloji la pynsuk beit bad shngain.
Haba kren ha katei ka sngi, ka Member Secretary ka SCSTE Meghalaya ka la ong ba ka jingroi ha ka jylla Meghalaya ka donkam ban wanrah da kane ka lad thymmai kata ka AI ha ki liang baroh ha kaba iadei bad ka kolshor, ka jingiatreilang ka imlang ka sahlang bad kiwei kiwei.
Lyngba ka AI kan lah ban pyn skhem bad pynsuk ia ka rep ka riang, ka pule puthi bad kyntiew ia ka jingshakri paidbah ha kylleng ka jylla.
U Dr. Neeraj Agrawal, uba dei u Chief Program Officer, Wadhwani AI, u la pynpaw ka jing sngew nguh ia ka sorkar Meghalaya bad ka and SCSTE Meghalaya na ka bynta kane ka lad ban iatreilang ha kaban kyntiew ia ka AI na ka bynta ka jingktah ha ka imlang ka sahlang bad ka roi ka par.
U la pyn thikna ba ka AI jong ka Wadhwani kan iarap ban pynsuk ia ki paidbah kiba shem jingeh. Haba nym pyndonkam ia ka AI tang ban ioh pisa ne ban pynpaw stad, ki shna pat ia ki tiar ba myntoi, kiba niewkor ia ka jingshimet bad kiba iarap ia u briew.
Ha katei ka jingiasoi, la don ki nongtrei jong ka SCSTE Meghalaya bad ki nongmihkhmat jong ka Lords Education and Health Society – Wadhwani AI.
Kane ka jingtreilang kaba la khmih lynti ban kyrshan ia ka jingpyndonkam ia ki stad shemphang thymmai ki technology thymmai bad ban ioh bynta ha ka roi ka par kaba neh jong ka Meghalaya.
