Shillong, Jylliew 11: U mynta ka sngi u symbut myntri rangbah ka jylla u bah Sniawbhalang Dhar u la plie paidbah ia ka skhim kaba la tip kum ka “One-Time Settlement Scheme” kaba mut ka jingphah siew duna dor ia ki khajana ia ki kali kamai kiba la pynsah la bun bun snem.
Haba kren ha kane ka sngi ba pynlait paidbah ia kane ka skhim kan treikam tad haduh ka 31/Nailar/2026, hapoh kane ka skhim ki trai kali kiba don ia ki kali kamai kin ioh ia ka jingmap 80% ia ka Motor Vehicle Tax, Goods bad Passenger Tax kiba la pynsah bad ka jingmap kaba 90% bad ia dei bad ka Fitness Certificates.
U Symbut myntri rangbah ka jylla u la ong kane ka jingmap ia ki khana ka long na ka bynta baroh ki snem kiba la pynsah ha kaba ki trai kali mynta ki lah ban ia pynbeit ia kane katkum ki bhah kiba la buh da ka sorkar jylla.
Katkum ka jingkhien antad na ka tnad ba die peit ia ka kam kit kam bah ka long ba ka khajana kaba sah baroh ka long T.1,100/- klur tyngka bad kane tang ka Fitness ka dei T.900/- klur tyngka bad lada ki trai kali ki wan sha khmat ban sniew ia kane ka sorkar kan ioh noh sa tang T.180 haduh T.200/- klur tyngka.
Katkum ka jingbatai ha ka jingialang jong ka cabinet ki kali kiba pynsah ia ki khajna ki long 65,000 tylli kiba dei bad ka Motor Vehicle Tax, 12,642 tylli ki dei ki kali kiba pynsah ia ka khajna Goods and Passenger Tax bad 57,000 tylli ki kali dei bad ka Fitness.
Kane ka skhim kan treikam haduh ka 31/Nailar/2026 bad ha dien kata ki trai kali ki hap ban siew ia ka khajna man la ka por katba dei, ka sorkar kala la shim ia kane ka lad ka long ban pynbeit thymmai ia ka rukom lum ia ki khajna da kaba pyntreikam ia ki juk kiba katkum kane ka por.
The Government expressed confidence that the OTS Scheme will improve compliance, enhance revenue collection, and provide significant relief to commercial vehicle owners across the State.
